NVE har gjeve selskapet løyve til uttak av vatn nedst i Sørfjordelva i Nordland.
Norges vassdrags- og energidirektorat (NVE) har gjeve løyve til bygging av eit minikraftverk og uttak av vatn nedst i Sørfjordelva i Sørfold kommune i Nordland, til eit anlegg for stamfisk og rognproduksjon.
Fordelane ved tiltaka er at kraftverket vil gje 0,7 GWh i ny årlig kraftproduksjon, og styrke drifta av Kobbelv vertshus. Stamfiskanlegget vil kunne gje 10-13 nye lokale arbeidsplassar, skriv NVE i ei pressemelding.
Av omsyn til naturmiljøet og landskap, er det mellom anna sett som vilkår at det vert sleppt ei minstevassføring på 500 liter i sekundet om sommaren og 300 liter i sekundet om vinteren.
NVE vurderer utbygginga saman med avbøtande tiltak som akseptabel i høve til allmenne interesser.
Les også: Legger stamfiskanlegg til Kobbelv 08.09.2009
Les også: Investerer 50 mill i stamfiskanlegg 16.07.2009
Salten Stamfisk AS
Det er Salten Stamfisk AS som står bak Sørfjord Stamfiskanlegg. Selskapet ønskjer å hente ut vatn til eit anlegg for stamfisk og rognproduksjon. Selskapet har allereie fått konsesjon frå Fiskeridirektoratet for å etablere eit slikt anlegg. Salten Stamfisk er eigd av Salten Aqua AS (51 prosent), Erfjord Stamfisk AS (34 prosent) og AS Bolaks (15 prosent).
Salten Stamfisk AS har inngått ein langsiktig lisensavtale med SalmoBreed AS, om produksjon av stamfisk og rogn i Nord-Norge. SalmoBreed AS er Noregs nest største leverandør av rogn til laks og aure.
Les også: Salten Stamfisk får utvide 11.03.2010
Les også: Vil stanse utvidelse i Skjerstadfjorden 08.02.2010