OSEN: NVE gjev SalMar Settefisk AS (tidlegare Follasmolt AS) løyve til reguleringar og vassuttak i Setranvassdraget i Sør-Trøndelag.
SalMar Settefisk AS (tidlegare Follasmolt AS) får løyve til vassuttak frå Setranvassdraget til settefiskanlegget på Setran. Løyvet vil gi grunnlag for framhald av settefiskproduksjonen og gi ei sikrare vassforsyning til verksemda. Det nye vassuttaket skal ikkje vere større enn 162 l/s.
Selskapet får løyve til ei avgrensa regulering av Nedre Setranvatnet og Øvre Setranvatnet. Nedre Setranvatnet kan regulerast 1,0 meter og Øvre Setranvatnet 2,0 meter, skriv Norges- vassdrags- og energidirektorat (NVE) i ei pressemelding.
Det er sett krav om at det skal sleppast ei minstevassføring frå Nedre Setranvatnet på 25 l/s heile året.
Av omsyn til sjøaurebestanden i vassdraget, skal eksisterande fiskesperre i utløpet av Nedre Setranvatnet, fjernast innan tre år.
Med mellom anna desse vilkåra meiner NVE at fordelane ved tiltaka samla sett er større enn ulempene for allmenne og private interesser.
