Fylkesmannen i Hordaland har i dag lagt FylkesROS Hordaland 2009 ut til høyring, med høyringsfrist 28. august 2009.
FylkesROS er ein risiko- og sårbaranalyse på overordna nivå for Hordaland fylke, og skal vere eit grunnlagsdokument for det vidare arbeidet med ROS-analysar i kommunar, fylkeskommune, regionale statlege etatar og andre samfunnsviktige verksemder.
Arbeidet med revisjon av FylkesROS vart starta opp hausten 2008. I desember 2008 fastsette styringsgruppa mandat for arbeidet, metodeval og akseptkriteria.
Sidan den gong har meir enn 100 personar fordelt på 10 arbeidsgrupper, styringsgruppe og prosjektstab vore involvert i arbeidet.
Arbeidsgruppene leverte sine bidrag 18. mai i år. Dette materialet er no sett saman til eitt dokument. Dette utkastet vart handsama i styringsgruppa 12. juni 2009, og merknadene frå møtet er innarbeidd i den versjonen som no er sendt på høyring.
FylkesROS Hordaland 2009 tek føre seg følgjande tema:
- Akutt forureining
- Atomulykker
- Epidemiar og helseberedskap
- Fiskesjukdomar og oppdrett, dyresjukdomar og landbruk
- Klimaendringar og naturulykker
- Storulykker og masseskadar
- Svikt i kritisk infrastruktur
I tillegg inneheld dokumentet følgjande kapittel:
- Innleiing
- Risiko i samfunnet
- Metodeval og akseptkriteria
- Evaluering av FylkesROS Hordaland 2004
- Oppsummering og vegen vidare
